【閒言閒語】雨傘雜記

法治的真正崩壞，體現於法律與政策執行者系統地肆意根據自己的主觀好惡為所欲為。

10/11/14

估唔到真正體現出馬克思理想中嘅共產世界所依據嘅“各盡所能，各取所需”原則嘅，居然會係香港嘅金鐘，旺角同銅鑼灣!

我而家非常認同“沒有共產黨，就沒有新中國”。 不過，大家請記住:

中國從來都無共產黨，只有一個叫“共產黨”嘅營私黨。

25/10/14

呢排成日都有人 - 甚至名人，政府有頭有面嘅人 - 發放好多明顯虛假，偽造，“借用”嘅圖片同歪曲，失實，捏造嘅報導，去抹黑佔領人士，合理化暴力政權。表面上只係有人毫不吝嗇地張揚自己嘅弱智同無恥，喺呢個時勢當消閒佐料本亦有益身心。

但問題係，由於呢類“資訊”密集出現，而且好多時真係荒謬到令人覺得無正常人會作得出，結果有好多唔算弱智無恥但對事件唔太關心或無咩明確立場嘅人，係長期暴露於呢啲“證據”之下，輕則令某啲唔太用頭嘅不自覺接受咗呢啲膠料為事實，重則令一啲自命“理性”“精明”嘅人開始懷疑 - 甚至相信 - 有關暴力政權各種暴行嘅如山鐵證，其實都不過係一啲圖片同睇法，都有可能只係偽證或片面之詞，於是“明智”地用一種高人一等嘅超然姿態站於佢地心目中自以為嘅中立之地。呢一班，正正係佔咗構成所謂民心嘅大多數。

而一個暴力政權要成功，除咗一個不公義嘅制度，所需要嘅口實，就只係呢班大多數嘅沉默。

從今日嘅香港，彷彿瞥見我地一直覺得可笑復可悲嘅北韓。

19/10/14

我肯定呢兩個星期有參與活動的學生能夠學習到的，不論是作為認知者還是行動者，在思考深廣度和人格修養方面，都必然遠勝返學做埋一大堆無聊甚至有害嘅評估練習千百倍

喺而家嘅教育制度下，好多人無論返幾多學，都只係嘥大家時間

至於其他人，應該從學生身上看到希望；而看不出這希望的人，大概都無咩希望

8/10/14

忍唔住講一句:

當好多人喺呢個時候舉出好多"證據"向警察致敬時

佢地好似唔記得咗

1 警察依法執行他們的職責是他們的責任與義務，即係應份嘅

2 警察濫用職權、使用不必要的過份武力、選擇性執法、對暴徒襲擊示威者視若無睹、袖手旁觀、甚至就算呢頭拉咗都即刻果頭放人，呢啲做法違反他們應有的基本責任與專業操守，不論其他地方做得如何好，已經值得任何有理性同良知嘅人譴責

情況簡單到好似無論點強調一個學生數學幾有天份，數學科(甚至所有其他科目)考試成績幾好，都唔能夠證明當佢今次英文默書無一個字串啱，都唔可以話佢默錯字，而且應該喺呢次默書比100分佢 (當然弱智嘅人諗唔明我係可以理解嘅)

3 喺呢個時候強調要向警察致敬嘅人

3.1 請嘗試證明上面2 提到的做法、事件從沒發生

3.2 如果做不到3.1，請承認2所提到的有發生並嘗試證明它們完全沒有問題

3.3 如果做不3.1 或3.2,實質上你地並無向警察致敬，而只係不斷嘲笑諷刺緊警方嘅不義行徑。

3.4 如果真係如3.3所言，我向返你地致敬!

6/10/14

繁榮不等於進步

穩定不等於安全

個人最鍾愛嘅哲學quote來自Mill:

Socrates unsatisfied is much better than a pig satisfied.

5/10/14

一向都對香港啲群星歌咩好感，因為啲詞唔係煽情，造作，就係太直接

不過，林夕呢首真係寫得好好！

5/10/14

思考題(2)

1 香港受薪警察的職責

1.1 從來未曾包括：保證任何市民豐衣足食，甚至能夠維持基本合理的生活需要--呢點甚至連政府都從來唔太重視

1.2 至少應該包括：保護市民的基本人權

(1.3 同埋應該不以非法手段達到不合理目的 ─ 本來應該唔洗寫，不過呢幾日嘅事實又好似證明呢點並非理所當然，所以放係括號....先啦)

[1.4 同埋不應太弱智同無恥 ─ 加"[]"理由同1.3]

2 示威、集會、抗議、人身安全：跟私有產權一樣，都屬於基本人權

3 清楚明白的事實

3.1 警方對沒有使用任何正常人所理解的暴力手段的和平示威者，使用任何正常人都能理解的過份武力

3.2 警方對和平示威者受到暴力襲擊視若無睹、袖手旁觀

4 問題：警方在3.1與3.2中表現出的做法與態度，是專業地履行其職務，還是─至少─辦事不力、疏忽職守？

4/10/14

「不可以閉眼睛。就算閉上眼睛，事情也一點都不會變好。並不是閉上眼睛，什麼就會消失掉。不但如此，下次睜開眼睛時事情還會變得更糟。我們是住在這樣的世界上噢。」

-《海邊的卡夫卡》

2/10/14

思考題（不排除考試會出……=P）

究竟係一個沒有民意基礎，只為小數人利益服務，甚至連自己所訂的規則都未能遵守，存在咗十年嘅政府，定係一大班阻街一星期嘅人，對整體市民嘅生活影響較大？

如果有人因為停工一個星期生活便會陷入困境，會唔會正反映政府本身從未以整體市民利益為施政嘅基本關懷，辦事不力，對人民照顧不足？

想像一下：

假設全香港嘅路都比政府封哂嚟比大陸高官南下購物之用，只開放彌敦道比所有市民進行日常生活。

十年過後，大部人已經對當中嘅不方便麻木。

不過有啲人諗極唔明：其實如果可以用返所有本來應該人人都有權使用嘅道路，市民嘅生活應該方便唔知幾十萬倍，咁點解香港人唔可以用返自己條路？於是決定喺路中心靜坐抗議，要求政府交代，並重新開放本來屬於所有人嘅道路。呢個做法當然會即時阻礙其他人所謂嘅「正常」、「方便」嘅生活，但究竟係邊個造成更大嘅不便？邊個先係真正嘅罪魁禍首？

對某些事情對人所造成的影響的主觀個人感受，跟影響的真正性質、程度，並沒有必然關係。

【絕對唔係諷刺】呢排聽咗好多朋友同家人嘅閒情記趣，有啲體會：

我覺得我阿媽對我嘅栽培係幾成功嘅，因為我同佢對好多嘢嘅睇法基本上完全相反。我成長條件明顯好佢好多，如果同佢一樣，我點對得佢住！

What makes a human human is the reflective capacity of creativity and self-transcendence, not reproductivity.

此之為孝

幸不辱命

由衷感激 ：）

PS

坦白講，好多人話呢排家庭關係差咗

我反而認為呢輪因為呢啲大是大非，令得好多家庭開始有返啲關係

1/10/14

以弱智粉飾無恥

總是相得益彰

30/9/14

呢幾日，久違了的身邊擠滿了人而不覺煩厭

感覺回到香港

30/9/14

我非常認同警察都係人,所以先更加要對於佢地明顯不合情理嘅行為認真予以嚴厲譴責

我對於責備蝸牛影嚮市容沒有甚麼興趣

29/9/14

阿馥：你個關於迷信同科學嘅科有教材啦：如果咒人係有用嘅，某啲人無理由呢兩日仲唔因為多次跌倒在地上而身亡！

所以，大家一定要靠自己努力爭取！

[插首主題曲]

今日下晝，我地衝過咗一重警界線，霸咗條路

夜晚，我去咗聽等咗三十年嘅Tony Hadley

聽到佢現場唱呢首歌

雖然唔直接關事

但對個歌名同以下兩句，莫名感觸:

..Oh, I don't know where love has gone

And in this troubled land desperation keeps us strong..

聲明:

我唔會佔中又唔會佔鐘

我只會一得閒就會喺「某啲地方」，或佇立沉思，或徘徊沉吟，或席地冥想，三五七個小時

由於哈佬將喂，滿街魍魎，鬼氣沖天

呢個「某啲地方」，我保證

一定係人多陽氣旺盛之處!

我就日日一得閒就唔覺意行過金鐘然後因為疲勞過度停低休息返三五七個鐘！

香港唔止係係人都知無民主，而家係連一般人幻想自以為有嘅自由，都被今日催淚彈證實為從不存在！

啱啱離開就收到風出催淚彈，仆街！！！！

十九幾萬人正在呼籲個兩百零個警察和平散去

我地而家霸咗條路，大家得閒記得嚟接力增援！

28/9/14