【動漫】《愛情白皮書》

終於同步翻睇完《愛情白皮書》漫畫同日劇一次

漫畫真係寫得非常好
柴門文係一個神奇嘅漫畫家
啲畫既不華麗, 亦唔精細, 又無強烈個人風格
卻能完美地配合她要表達的想法
而佢最犀利嘅係能夠準確捕捉大城市中現代人嘅處境同心態, 尤其係人與人之間複雜微妙嘅關係.

睇返先知原來日劇版嘅編劇係《悠長假期》嘅北川悅吏子!
其實改編得都算唔錯 (重要有少年木村拓栽! 主題曲重要係永恆金曲True Love!!!)
不過可能係電視嘅緣故,很多地方都處理得比較簡化和表面，反而不及原著漫畫細膩感人.
個人尤其喜歡原作者對松崗的處理
相對於電視劇那個面上寫著深情,抑鬱,無奈,多愁,善感,喋喋不休的松崗,
漫畫中的松崗面上總是掛著淡淡的微笑, 大部分時間只是背景般存在,
但柴門文卻成功地以輕描淡寫的方式,令人深切感受到松崗深藏嘅寂寞與對明日會各人嘅瞭解同關懷!

大家有機會真係應該細心睇一遍
因為我相信對大多數人而言,通過睇一次《愛情白皮書》而對人性獲得的理解
絕對會比睇十次休謨嘅《人性論》多得多.....囉