【音樂】葉德嫻星之旅演唱會

場地 : 紅磡體育館
日期 : 22/5 /2005
時間 : 815-1125pm

我份人真係好out下 .

香港古今歌星中我至愛有一隊一人 , 就係達明同葉德嫻 , 地位之高無人可比

deanie的唱功故然好 , 而且聲線獨特 , 好soulful
但我最欣賞佢演繹歌曲時果種攝人0既感染力
佢好戲係人都知 , 而佢唱歌時 - 尤其係演唱會 - 往往能成功地將戲劇感帶出來
果種投入同真摯 - 特別係d慘歌 - 真係聽到人個心 '乸'住'乸住!

但居然前晚睇娛樂新聞先知葉德嫻開演唱會(已經開咗!!!!!)
於是尋日晏晝拿淋走去買100蚊飛 , 夜晚去咗睇『葉德嫻星之旅演唱會』

演唱會分三parts :

part 1 - 向以故歌星詞人致敬

唔知係咪飛平人遠關係 , 頭幾首歌和唱聲都太大 , 唔係好聽到deanie把聲 .
可能我對佢要求過高 , 我覺 '激光中' 佢真係唱得唔係咁好 , 好平淡 , 而佢係應該唱到果種騷味
張國榮揀 '紅' 頗有心思
'深愛著你' 就真係開始上力 ,
去到 黃霑 時唱 '焚心以火' 知道 '返0黎啦!!"
但最精彩的毫無疑問是 林振強 果part
'秋來秋去' 真係演繹得無懈可擊 , 歌詞中果種揮之不去的魂繫夢牽完全感受到 , 而我以前聽葉倩雯唱只覺得幾悶...同好笑 , 因為同學打交時都鍾意唱 '揪來也揪去....'
最驚喜係居然有唱 '情人lift' !!! 一首好抵死 , 而我從來無諗過會親耳聽到0既歌!!!林振強真係得!

part 2 - 自己歌

雖然有d歌係唔唱唔得 - '明星' , '幸運是我' , '赤子' , '千個太陽' , '教我如何不愛他' '美中不足'...但今次好明顯刻意揀咗d上次無唱0既歌 '好東西' (而其他我最鍾意果堆 '黑白' 歌上次已經唱咗...>.<..真係美中不足....) 不過都係無 '變'......
倫永亮唱 '教我如何不愛他' 不過不失, 無上次 '兩個女人' 咁震撼
而deanie 同一個不知名0既steven合唱0既 '美中不足' 則意外地精彩 - 我會覺得好過許志安

但最正0既首推 佢cover楊千樺0既 '小城大事' ....好聽到.............!!!!!!!!
聽完deanie呢個版本 , 你先知原來你之前從來未聽過首歌!


最愛對白:
'以下呢首歌本來唔係我0既 , 不過我唱咗之後好多人都唱 , 而佢從來未上過任何流行榜 . 不過我肯定 , 萬一第日我有乜三長兩短 , 呢首歌一定會得到全城最高播放率 ---- "明星"---- '

part 3 - 英文歌

一開始就係我0既至愛say you love me!
其實我鍾意中文版首 '不再分離' 多d , 尤其係大碟版 .
今次英文版同上次live0既中文版編曲 - 特別係節奏 - 差唔多....
....唔.....都好聽......不過都係大碟中文版正得多!

忍唔住無厘頭講句 : 千個太陽隻碟實在太正!!

我比較唔鍾意個演唱0既編排 . 同上次一樣 , 都係太多介紹 . 我明白這是deanie對工作人員的尊重 , 台上氣氛也真的很warm . 但成個演唱會已有30分鐘break , 再用多15分鐘逐個dancer 和音介紹 (而且對白仲同上次差唔多)就......我真係想聽多d歌 , 而又真係好多歌未唱!!



期待dvd.....希望唔好好似上次咁 , 一隻永恆歌都無加落去.....T^T