【宗教】山埃強的故事

有一日, 聰仔見到山埃強周圍借功課比人抄, 有時仲夾硬要人抄, 係咁同人講:"正呀!我做嘅, 用咗好多心機, check完又check，完全搵唔到破綻，應該係啱架啦！抄啦同學們！快來快來！信者得救！"

Roger:我想自己做喎．．．

出埃強：攞泥．．．．嘩梗係錯啦你，１＋１點會等於８呢，用下腦就知荒謬啦．做功課嘅嘢，靠自己唔得嘅，信我，包無衰！

Gary（懷疑地）:我都唔識，但想問聰仔，你．．．．成績一向麻麻．．．

山埃強（不屑地）：唔好信佢，佢呃你架．聰仔份人，唉，乜都講證據，人地辛辛苦苦諗到個答案又死都話人錯．喂，如果我唔係真係覺得啱我都唔會叫你抄啦！證據！佢夠無辨法證明自己幾時生日啦！證據！

Gary：上個禮拜我地先同佢慶祝完．．．．

xxxxxxxxxxxxxxxxxxxxxxxxx


聰仔本來跟山埃強的關係也算不錯，以前常一起討論數學功課，但慢慢發覺山埃強的答案大部分時間都跟其他人都不一樣，都是錯的．聰仔自然大惑不解，山埃強興奮地告訴他:

原來有一次山埃強有條數學ｍｃ諗極都唔識，徬徨無依之際，隨手拿起粒骰便擲，擲了個６點．他突然靈光一閃，彷彿有種啟示甚麼的，一個想法湧現心頭：ｍｃ有ａｂｃｄ四個選擇，我擲６，即係等於ｃ．於是填ｃ，居然中咗！之後他每次做數時都擲骰，不過解釋次次都有ｄ分別，有時擲３話係ｃ，對答案時發覺是ａ，便責怪自己解錯了，應該是ａ，因為４－３＝１，１便是ａ．

聰仔知道了很膽心，告訴他其實他只是亂撞．但最令人頭痛的是，山埃強這樣做的時候又不會次次都錯，因為總有四分一機會中．聰仔的關心反而惹山埃強反感．後來越來越離譜.....

當山埃強以　'６是綠色的，即是ｇｒｅｅｎ，ａｂｃｄ都無喎．．又５個字母．．．呀！但係有２個ｅ，所以答案是ｂ' 為理由填了ｂ，對答案時發覺正確答案是ｄ時，他不再修改自己的解釋，而說

'錯了！教科書錯了！不應該是ｄ！哈哈！我已推翻了傳統數學！來來來，大家一起來相信我這粒靈異數學骰．．．唔．．有了！口號是 "靈異數學骰，信佢乜都識"！大家有咩唔明，即管問我！天文地理？無問題！靈異骰乜都識!!同唔同Benny拍拖？等我問吓靈異骰，梗有答案！想董建華下台．．唔．．我都想．．得得得．．靈異骰最公正，一定會有適當安排．靈異骰無所不能！’

聰仔終於忍唔住：夠了！你無嘢呀，普通骰仔泥架咋！講到咁誇．計數要依番數學的公式，定理０黎計，擲乜鬼骰！你看．．嘩！你有無睇題目架！？！？呢題寫住４＋４＝？，你做乜揀ｄ　９，小學生都知係８啦！計數係要用腦，唔係靠擲骰架！醒吓啦！無所不能．．．咁你擲個７泥睇吓啦！！

山埃強（不怒反愁，帶點憐憫）：你這宇宙間的微塵，又怎能理解靈異骰的大能呢！靈異骰是無所不能，無所不知，至善至真的，這是我三個月來跟靈異骰溝通嘅得著，你怎能用人的有限理性來限制祂？你要我擲７，即係試探靈異骰，人怎可試探尊貴的靈異骰？而且擲唔到７都唔能夠否認佢全能，因為１至６都擲到．．．

聰仔：咁點算全能．．．

山埃強（更同情）：再唔係．．擲兩次（２和６）．．唔算．．再擲．．０拿，３同４，咪７囉！這是無可否定的，你現在不明白，是因為你只懂用人的角度去看事物，而不懂用骰仔的角度去看．只要你打開你的心，拋開你那無能的理性，你便可真切認識靈異骰，到時便會乜都識．

自始，山埃強跟聰仔便疏遠了．本來，聰仔也只是覺得自己沒有及早發現山埃強的問題，未能幫到朋友而感到有點內咎．但後來，山埃強更變本加厲，充滿喜悅和盼望的到處跟別人分享他的靈異骰，不斷勸人抄他的功課，用他的骰子去解決其他問題，還好像把一些據稱是靈異骰透過他的手寫下的教誨，譬如：

'玩大富翁時不可用右手擲骰，因為這樣對靈異骰不敬（剛巧山埃強是用左手的）' ; 或者

'一個星期只應有六天，因為骰子只有六點' ; 當然還有

'除了六面骰，所有其他所謂的骰子都不是骰子，不可在任何場合使用'......

結集成書，四圍派發，網上傳閱（此舉自然令很多基督徒同學不滿，認為他這樣硬銷他的異端邪說有礙他們跟別人分享他們的真實信仰，此屬後話，暫且不表）．山埃強也有其支持者，那些平常完全不唸書的人，在誠心擲骰後，成績明顯有好轉，由零分躍升至４分（１００分為滿分），升幅為無限大，進一步證明了靈異骰的無限本質．他們以理性為頭號敵人，以堅定的信念和個人體驗為後盾，以分享為名，傳揚為實，在會考將臨，人心惶惶之際，聲勢更是一時無兩．但單靠一粒骰，他們是否真的過得了會考這關？有見及此，聰仔便跟其他成績較好的同學，一起跟其他同學補習．

在這個會考臨近，需要知識而非盲目信念的日子，這，似乎是他們唯一可做而應該做的事情．