【漫畫】我的漫畫印象

我係由第7期漫畫周刊開始買同睇第一本(都算一本掛)漫畫, 果時得幾歲,跟本唔知周刊點解,仲以為日日出新書...
當時最鍾意手塚0既吸血鬼(單行本我都未見過),微星小超人(又係搵唔返), 當然梗有怪醫秦博士同叮噹(唔識邊個係多乜A夢!)啦!
果時D中間拉頁海報我仲有0係度--包括經典0既高達戰大魔同無頭高達打自護!
跟住又追模型神童三四郎,仲以為真係有果D可以打交0既公仔賣!(而且以為海豹真係有版權架全世界都!!!!)

卡通片應該同同年齡0既朋友差唔多,星仔走天涯, 萬里尋親記, 飄零燕,(外國小朋友真慘).....叮噹同足球小將(430穿梭機),IQ博士(日日六點追!),三一萬能俠,鐵甲萬能俠,V型電磁俠....跟住經歷劃時代0既高達同超時空要塞(第一次發現機械人卡通片有咁多咁好聽0既歌!)..我係小忌廉...

土炮漫畫方面,由橫版龍虎門開始睇港產公仔書, 由醉拳而沉迷中華英雄 (逢星期五例必一早踢拖落街等出書, 買完返屋企睇完先返學)
我又有一套馮志明0既少林奇兵同謝志榮0既鐵血英雄
最自豪0既係有一套利志達0既衛斯理系列
(個人認為無人可以比佢更能表現出衛斯理的那種神髓,可惜唔見咗幾本..>.<...)
跟住由鬼書皇而黑豹而海虎,武神買買下已經頂唔順 (而天下一早就頂唔順!)

而家集中只係睇日本動漫畫,個人認為,論質與量, 日本的動漫畫,整體而言,絕對是冠絕全球
而家追緊0既有:jojo,全職獵人,狐忍,死亡筆記,二十世紀少年,鬼眼狂刀,火鳳燎原(唯一中國人畫0既漫畫...)

最近0既心頭好係...NANA!

遲d有機會逐本寫^^

等我!!!